जालना - जिल्ह्यात सोमवारी (ता.२५) सकाळपर्यंत मागील चोवीस तासांमध्ये ९.९० मिलिमीटर पाऊस झाल्याची नोंद जिल्हा प्रशासनाकडे झाली आहे. यामध्ये जालना तालुक्यातील विरेगाव मंडळात सर्वाधिक ५८ मिलिमीटर पाऊस झाल्याची नोंद आहे.

मुंबई प्रादेशिक हवामान विभागाकडून जिल्ह्यात ता. २१ ते २६ सप्टेंबर दरम्यान येलो अलर्ट जारी करण्यात आला होता. त्यानुसार शहरासह जिल्ह्यात ता. २१ ते २४ सप्टेंबर दरम्यान पावसाने जोरदार हजेरी लावली आहे. रविवारी (ता.२४) ही शहरासह जिल्ह्यात ठीक-ठिकाणी पावसाच्या सरी कोसळल्या. सोमवारी (ता.२५) सकाळपर्यंत मागील चोवीस तासांमध्ये जिल्ह्यात ९.९० मिलिमीटर पाऊस झाला आहे.

यामध्ये जालना तालुक्यात सर्वाधिक ३० मिलिमीटर पाऊस झाला. जालना तालुक्यातील विरेगाव मंडळात ५८, सेवली ४२.८, जालना शहर मंडळात ३४.३, नेर २८, रामनगर २४, पाचनवडगाव २२.८, मंठा तालुक्यातील पांगरी मंडळात २८ मिलिमीटर पाऊस झाल्याची नोंद झाली आहे. दरम्यान, मागील चार दिवसांमध्ये झालेल्या पावसामुळे जिल्ह्यातील शेतकऱ्यांना थोडाफार आधार मिळाला आहे.

तालुकानिहाय पाऊस (मिलिमीटरमध्ये)

तालुका सोमवारी सकाळपर्यंत आतापर्यंत झालेला पाऊस

जालना ३० ४८३.९०

बदनापूर २.८० ४४५

भोकरदन ०.६० ४७४.७०

जाफराबाद ०.८० ५०५.७०

परतूर ६.२० ३७५.८०

मंठा १४ ३८६.३०

अंबड १०.३० ४७५.२०

घनसावंगी ८.९० ४४५.२०

एकूण ९.९० ४५४.४०