तिसंगी - जनता दल (यूनाइटेड) च्या राष्ट्रीय अध्यक्ष पदाची सूत्र पुन्हा घेतल्यानंतर देशाचे नेते आणि बिहारचे मुख्यमंत्री नितीशकुमार यांनी नवीन राष्ट्रीय कार्यकरिणी निवड करण्यात आली. आमदार कपिल पाटील यांच्याकडे नॅशनल जनरल सेक्रेटरी पदाची जबाबदारी पुन्हा देण्यात आली आहे.

नुकत्याच दिल्ली येथे पार पडलेल्या राष्ट्रीय परिषदेच्या बैठकीत सर्वानुमते नीतीश कुमार यांना जेडीयूच्या राष्ट्रीय अध्यक्षपदी पुन्हा विराजमान होण्याची विनंती केली होती. त्यानुसार ती सूत्र हाती घेतल्यानंतर नीतीश कुमार यांनी संघटनात्मक पातळीवर बदल केले आहेत. नवे सहकारी निवडले आहेत. त्यात महाराष्ट्रातून आमदार कपिल पाटील यांची फेरनिवड झाल्याने राज्यातील समाजवादी जनता परिवारात आनंदाचे वातावरण आहे.

समाजवादी विचारांचा झेंडा खांद्यावर घेऊन कपिल पाटील गेली चार दशकं सामाजिक, राजकीय क्षेत्रात सक्रिय आहेत. सलग 18 वर्ष महाराष्ट्र विधान परिषदेत एकमेव समाजवादी आमदार आहेत. हिंद मजदूर किसान पंचायतेचे ते राज्य अध्यक्ष आहेत.

धर्मनिरपेक्षता आणि समाजवाद या विचारांशी त्यांची निष्ठा अढळ आहे. या विचारांशी ते कधीही तडजोड करत नाहीत. शेतकरी, कष्टकरी, वंचित, दलित, अल्पसंख्य, विद्यार्थी आणि शिक्षण घटकांच्या प्रश्नांसाठी ते आयुष्यभर झटत आले आहेत.