Marathwada Crime: आलापुर ( ता कन्नड) येथील शेतकऱ्याच्या घराची आतील दोर कडी तोंडुन अज्ञात चोरट्यांनी घरातील धान्याच्या कुलुपबंद कोठीतील सोन्या-चांदीचे दागिने व रोख रक्कम असा ८७ हजारांचा मुद्देमाल चोरून नेल्याची घटना शुक्रवारी ( ता ९) पहाटे उघडकीस आली , याबाबत अज्ञात चोरट्याविरोधात देवगाव रंगारी पोलीस ठाण्यात शनिवारी (ता १०)रात्री गुन्हा दाखल करण्यात आला.

याबाबत अधिक माहिती अशी की मौजे आलापुर येथील सोपान सोमीनाथ कोरडे (वय २९) हे आपल्या आई- वडिल,आत्या कुटुंबीयांसह गांवात राहतात, गुरुवारी (ता ८ ) रात्री कुटुंबीया सोबत एकत्र जेवण झाल्यावर त्यांनी पावसामुळे घराचा समोरील दरवाजा लागत नसल्याने आतुन त्यास दोरखंडांनी बांधुन सर्व कुटुंबीय झोपी गेले.

दरम्यान पहाटे तीन वाजता घरात झोपलेल्या आत्या इंदुबाई या लघुशंकेसाठी उठल्या त्यांना मागील दरवाजा उघडा असल्याचा दिसला तर पुढील दरवाजाची दोरी कापुन टाकल्याचे दिसून आले.

स्वयंपाक घरात ठेवलेली दागीन्यांची कोठी जागेवर नसल्याने त्यांनी घरातील इतरांना आवाज देवुन उठवले .भाचा सोपान यास चोरी झाल्याचे लक्षात येताच त्यांनी शेजारील शरद दळवी व गोरख कोरडे यांना फोन करून बोलावुन घेत त्यांच्या मदतीने बॅटरीच्या उजाडात बाहेर शोध घेतला असता पहाटे साडे सहा वाजेच्या सुमारास गावाच्या पश्चिमेस दिशेला मोकळ्या जागेमध्ये कुलुप तोडलेली कोठी दिसली , त्यातील सामान बाहेर अस्त व्यस्त पडुन होते , ॲल्युनियमच्या डब्यातील दागिने काढुन तो फेकुन दिला होता.

या घटनेत सोन्याचे व चांदीचे दागिने प्रती-दहा ग्रॅम वजनाचे दोन सोन्याच्या पोथी (किंमत .४० हजार),दहा ग्रॅम वजनाची सोन्याची एकदाणी (किंमत ,२०हजार), पाच ग्रॅम वजनाचे कानातील सोन्याचे झुंबर (किंमत.१० हजार रु.),पाच ग्रॅम वजनाचे कानातील सोन्याचा गेठा (किंमत.१० हजार रु.), अडीच ग्रॅम वजनाचे कानातील सोन्याच्या बाळ्या (किंमत ५ हजार),दोन भार चांदीचे कडे (किंमत .२ हजार ) असा एकूण - ८७ हजार अशा वर्णाचा मुद्देमाल व रोख रक्कम चोरून नेले , सोपान सोमीनाथ कोरडे यांनी शनिवारी रात्री देवगाव रंगारी पोलिस ठाण्यात दिली ,त्यावरुन अज्ञात चोरट्या विरोधात गुन्हा दाखल करण्यात आला असून अधिक तपास सहायक पोलिस निरीक्षक संदिप राजपुत करत आहे.