Nagapur: कन्नड तालुक्यातील नागापूर येथील सिल्लोड चाळीसगाव मुख्य रस्त्यावर गावाजवळील एका शेतकऱ्याचे गोठ्यात बांधलेले तीन जनावरे मध्यरात्री चोरीस गेल्याने खळबळ उडाली आहे.

सदरील घटना ही करंजखेड नागापूर रोडवर करंजखेड शिवारात असलेल्या शेतकरी घनश्याम कन्हैयासिंग ठाकूर या शेतकऱ्याच्या शेतातील गोठ्यात बांधलेले तिनं जनावरे रात्री बेपत्ता झाले. गट नंबर ७१५ शेत जमीन आहे. येथेच जनावरांचा गोठा आहे. दि.११ ऑगस्ट रविवारी रात्री गोठ्यात चार जनावरे बांधून नेहमी प्रमाणे घनश्याम ठाकूर हे शेतकरी घरी गेले.

दुसऱ्या दिवशी सोमवारी जनावरांना चारा पाणी करण्यासाठी आलो असता चार जनावरांपैकी दोन गोरे, एक लहान वासरू असे तीन जनावरे बेपत्ता झाले व एक मोठी गाय जागेवर बांधलेली होती. परिसरात तपास केला असता आढळून आले नसल्यामुळे पिशोर पोलीस ठाण्यात तिन जनावरे बेपत्ता झाल्याची तक्रार दाखल केली असून पुढील तपास करंजखेडचे बीड जमादार एल टी नागलोत हे करीत आहे.