Khulatabad News - भारतीय जनता पक्षाच्या राष्ट्रीय महासचिव पंकजाताई मुंढे यांनी शिवशक्ती परिक्रमा याञा सुरु केली असुन, याचाच भाग म्हणुन त्यांनी सोमवारी (ता. चार) वेरुळ (ता. खुलताबाद) येथील 12 वे ज्योतिर्लिंग श्री. घृष्णेश्वराची विधिवत पुजा, अभिषेक करुन दर्शन घेतले.

भारतीय जनता पक्षाच्या राष्ट्रीय महासचिव पंकजाताई मुंढे यांनी चार ते 11 सप्टेंबर दरम्यान शिवशक्ती परिक्रमा याञा आयोजित केली असुन, या दरम्यान त्या महाराष्ट्रातील त्यांच्या मतदारसंघातील परळी वैजनाथ सह, औंढा नागनाथ, श्री. ञ्यंबकेश्वर, भीमाशंकर या ज्योतिर्लिंगांचे दर्शन घेणार आहे.

या शिवशक्ती परिक्रमा याञेची सुरुवात वेरुळ (ता. खुलताबाद) येथील 12 वे ज्योतिर्लिंग श्री. घृष्णेश्वर चरणी दर्शन घेवुन केली असल्याचं मंदिर परिसरात पञकारांशी बोलतांना नमुद केलं, योगायोगाने प. पु. भगवान बाबा यांची देखील आज जयंती असुन, या परिक्रमा याञेस सुरुवात केली, जन आशीर्वाद,जन संपर्क हाच यातला मुख्य उद्देश असल्याचं स्पष्ट केलं.

या वेळी राष्ट्रीय महासचिव मुंढे यांच्या समवेत, प्रवीण घुगे, भा.ज.पा.जिल्हाध्यक्ष (दक्षिण) संजय खंबायते यांच्यासह कार्यकर्ते उपस्थित होते.

स्व.गोपीनाथ मुंढे यांची या निमित्ताने आठवण ताजी झाली, महाराष्ट्राचे विरोधी पक्षनेते असतांना परळी वैजनाथ ते घृष्णेश्वर अशी शेतकरी संघर्ष याञा काढली होती, समारोप घृष्णेश्वर चरणी करण्यात आल्यानंतर वेरुळ गांवात सभा घेण्यात आली होती.(Latest Marathi News)