कुंभार पिंपळगाव : कोठाळा (ता. घनसावंगी) येथील ज्येष्ठ किर्तनकार तथा किर्तनकेसरी साहेबराव आश्रुबा साबळे (वय १०२) यांचे आज बुधवारी (ता. २६) सायंकाळी पाच वाजता निधन झाले. उद्या गुरूवारी सकाळी दहा वाजता कोठाळा येथे त्यांच्यावर अंत्यसंस्कार करण्यात येणार आहेत.

त्यांच्या (Sahebrao Maharaj Kothalkar) पश्चात तीन मुले, तीन मुली, सुना, नातवंडे असा परिवार आहे. वयाच्या विसाव्या वर्षापासून साहेबराव महाराज यांनी वारकरी सांप्रदायाची पताका खांद्यावर घेतली. शेवटपर्यंत ते कीर्तन, प्रवचनासाठी राज्यभर जात होते.

किर्तनकेसरी आणि वारकरी भूषण पुरस्कार देऊन त्यांचा गौरव ही करण्यात आला होता. भारतीदास महाराज कोठाळकर या नावानेही ते सर्वदूर परिचित होते. त्यांचा मोठ्या प्रमाणात शिष्यवर्ग आहे. उद्या गुरूवारी सकाळी त्यांच्या मूळ गावी त्यांच्यावर अंत्यसंस्कार करण्यात येणार आहेत.