Marathwada News: अंतरवाली सराटी येथे सोमवारी ता.14 रोजी मध्यरात्री उद्योगमंत्री उदय सामंत ,मुख्यमंत्री शिंदे यांचे ओएसडी मंगेश चिवटे यांनी मनोज जरांगे यांची भेट घेतली.

आचारसंहिता लागण्याची लगबग सुरु असतांना मध्यरात्री अंतरवाली सराटी येथे सरपंच कौशाल्याबाई तारख ,पांडुरंग तारख यांच्या फार्महाऊस मध्ये मंत्री सामंत व मंगेश चिवटे यांनी जरांगे यांची भेट घेत एक ते दीड तास चर्चा केली.

सोमवारी मुख्यमंत्री शिंदे ,मंत्री उदय सामंत हे जालना जिल्ह्याच्या दौऱ्यावर आले होते. या दरम्यान मंत्री सामंत यांनी मध्यरात्री जरांगे यांची भेट घेऊन चर्चा केली. चर्चा चा तपशिल समजु शकला नाही. आरक्षण नाही तर सत्ता नाही असा पवित्रा मनोज जरांगे यांनी घेतला आहे. तशी माहिती त्यांनी सोमवारी प्रसार माध्यमा सोबत बोलतांना दिली होती. या पाश्वभूमीवर जरांगे यांची भेट घेऊन मंत्री उदय सामंत एक ते दिड तास चर्चा केली आहे.