विहामांडवा (औरंगाबाद) : विहामांडवा (ता. पैठण) येथे बैलाच्या धडकेत जखमी झालेल्या व्यक्तीचा औरंगाबाद येथील शासकीय रुग्णालयात उपचारादरम्यान बुधवारी (ता. 19) मृत्यू झाला.

मृताचे नाव साहेबराव निवृत्ती ब्रह्मराक्षस (वय 50) असे आहे. 9 सप्टेंबरला साहेबराव बैलपोळानिमित्त येथील मारुती मंदिर परिसरात पोळा पाहण्यास गेले होते. येथे अचानक उधळलेल्या बैलाचा जोराचा धक्का लागल्याने ते जमिनीवर कोसळले. डोक्याला जबर मार लागल्यामुळे त्यांना तात्काळ औरंगाबाद येथील शासकीय रुग्णालयात दाखल करण्यात आले होते. नऊ दिवसांच्या उपचारानंतर अखेर त्यांचा बुधवारी मृत्यू झाला.