Maratha Morcha Protest, जालना - अंबड तालुक्यातील अंतरवाली सराटी येथील मराठा आरक्षणासाठी सुरू असलेल्या आंदोलनावर पोलिसांनी लाठीचार्ज, अश्रूधुरा नळकांड्या आणि प्लास्टिक बुलेटचा मारा केला. जालना शहरात अंबड चौफुलीवर शनिवारी (ता. दोन) मराठा क्रांती मोर्चाच्या वतीने रास्ता रोको आंदोलन करण्यात आले.
अंतरवाली सराटी येथे शुक्रवारी (ता. एक) मराठा आरक्षणासाठी आंदोलन करणाऱ्या आंदोलकांवर पोलिसांनी लाठीचार्ज आणि प्लास्टिक बुलेटचा मारा केला होता. तर ग्रामस्थांनी दगड फेक केली.
यात 45 पोलिस अधिकारी, कर्मचारी, 50 पेक्षा अधिक ग्रामस्थ जखमी झाले होते. पोलिसांच्या या कारवाईचे जिल्ह्यासह राज्यात पडसाद उमटले आहेत.या निषेधार्थ शुक्रवारी रात्री उशिरापर्यंत वीस बस आणि काही खाजगी वाहने जाळण्यात आले होते.
शनिवारी मराठा क्रांती मोर्चाच्या वतीने जालना बंदची हाक देण्यात आली होती याला प्रतिसाद देत व्यापाऱ्यांनी आपली दुकाने बंद ठेवली. तर अंबड चौफुली परिसरामध्ये सकल मराठा समाज बांधवांनी रास्ता रोको आंदोलन केले. त्यामुळे जालना-अंबड, जालना-नांदेड मार्ग ठप्प झाला होत. आंदोलन स्थळी पोलिसांचा मोठा बंदोबस्त तैनात करण्यात आला होता.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.