- रविंद्र गायकवाड

बिडकीन - मराठायोद्धा मनोज जरांगे पाटील यांच्या उपोषणाला पाठींबा देण्यासाठी बिडकीनमध्ये आज ता. २४ मंगळवार रोजी बिडकीन बसस्थानक रोडवर रास्तारोको आंदोलन करण्यात आले. तसेच मराठा आरक्षणाची व इतर सर्व मागण्यांची अंमलबजावणी करावी या मागणीसाठी अंतरवाली सराटी येथे सुरु असलेल्या मराठा योद्धा मनोज जरांगे यांच्या आंदोलनाला पाठिंबा देण्यासाठी सकल मराठा समाजाने बिडकीन येथे रास्तारोको आंदोलन करण्यात येत असल्याची माहिती यावेळी मनोज मुरदाडे यांनी बोलताना सांगितले.

मराठा आरक्षणाच्या मागणीसाठी मनोज जरांगे पाटील यांनी अंतरवली सरटी येथे मागच्या सात दिवसापासून आमरण उपोषण सुरु केले आहे. मागच्या सात दिवसात सरकारने मराठा समाजाच्या मागण्याबाबद सकारात्मक प्रतिसाद दिला नाही. असे हि यावेळी मुरदाडे यांनी बोलताना सांगितले.

याप्रसंगी मनोज पाटील मुरदारे (जिल्हाध्यक्ष), संतोष पाटील कुसेकर, राजू नाना चव्हाण, काकासाहेब टेके, विकास गोर्डे, विष्णू मोगल, कृष्णा पाटील उघडे, विजय पाटील शेळके, प्रवीण चव्हाण, किरण गुजर, नितीन वाघ, अशोक टेके, कल्याण शिंदे, मच्छिंद्र हाडे, देविदास चव्हाण, विवेक मोगल, विजय ठोंबरे, प्रभू शिंदे, सचिन हाडे, धनंजय शिंदे, प्रमोद निकम, भगवान शिंदे, धनंजय चिरेकर, विलास औटी, अशोक हिवाळे, दत्तू अण्णा मोगल, सुरेश मोतींगे, बाला शिंदे, रवी शिंदे, हरिभाऊ कावरे, नारायण मोगल, चंद्रकांत हुड, राहुल काळे आदींसह बिडकिन व परिसरातील समाजबांधवांची मोठ्या प्रमाणात उपस्थिती होती. बिडकीन पोलिस ठाण्याचे पोलिस निरीक्षक प्रमोद पाटील यांच्या मार्गदर्शनाखाली मोठा पोलिस बंदोबस्त ठेवण्यात आला होता.