बीड - शहरात हिंसक आंदोलन होईल असा पोलिस यंत्रणेला अंदाज नव्हता. तसेच, सकाळी माजलगावला ्रपकाश सोळंके यांच्या घरावर तसेच शासकीय कार्यालयांवर दगडफेक आणि जाळपोळ अटोक्यात आणण्यासाठी खुद्द पोलिस अधीक्षक मोठा फौजफाटा घेऊन माजलगावला तळ ठोकून होते. याच काळात बीडमध्ये आंदोलन हिंसक झालेअाणि हाताबाहेर गेले.

सोमवारी (ता. ३०) सकाळी कथीत ऑडीओ क्लीपमधील संभाषणावरुन राष्ट्रवादीचे आमदार प्रकाश सोळंके यांच्या माजलगावच्या घरावर हजारांहूनअधिक आंदोलकांनी दगडफेक केली. तसेच, दारातील वाहने जाळून बंगल्याची तोडफोड केली. याची माहिती मिळताच, पोलिस अधीक्षक नंदकुमार ठाकूर मोठा फौजफाटा घेऊन माजलगावकडे रवाना झाले.

यानंतर माजलगावात आंदोलकांनी नगर पालिकेला आग लावली तसेच सोळंके महाविद्यालयाचीही तोडफोड केली. पंचायत समितीवरही दगडफेक आणि शहरातून मोर्चा यामुळे माजलगावची परिस्थिती अटोक्यात आणण्यासाठी पोलिस दल ्रपयत्न करत होते. या वेळेत शहरातील कार्यालये बंद केली जात होती.

आंदेालकांचा राग शांत व्हावा म्हणून प्रशासनाने संयमाची भूमिका घेतली होती. मुळात बीडमध्ये आंदोलन हिंसक होईल, याचा अंदाज ्रपशासनाला नव्हताच. मात्र, जाळपोळ आणि दगडफेकीचे ्रपकारही वाढले. त्यामुळे प्रशासनाने रात्री शहरात मोठ्या फौजफाट्यासह गस्त वाढविली. खुद्द जिल्हाधिकारी दिपा मुधोळ - मुंडे, जिल्हा परिषदेचे मुख्य कार्यकारी अधिकारी अविनाश पाठक, पोलिस अधीक्षक नंदकुमार ठाकूर रस्त्यावर उरतल्याने परिस्थिती अटोक्यात आली.