भूम : लॉकडाउनमुळे चिकूची तोडणी, विक्री करता आली नसल्यामुळे झाडाखाली पडलेला चिकू फळांचा सडा.  
मराठवाडा

बागेत चिकूचा सडा, शेतकऱ्याचे लाखोंचे नुकसान

अब्बास सय्यद

भूम (जि. उस्मानाबाद) : कोरोनाच्या पार्श्वभूमीवर लॉकडाउनमुळे बागेतील चिकूची तोड करता आली नाही, तसेच विक्रीही करता आली नाही. परिणामी, चिकूची नासाडी होत असल्याने शेतकऱ्यांचे लाखो रुपयांचे नुकसान होत आहे. 

तालुक्यातील हाडोंग्री येथील शेतकरी बाळासाहेब पाटील हाडोंग्रीकर यांची पाच एकरांत चिकूची बाग आहे. या बागेतील झाडांना मोठ्या प्रमाणात चिकू लागले आहेत. हे चिकू परिपक्व झाले आहेत. परंतु लॉकडाउनमुळे विक्री करण्यात अडचण निर्माण झाली आहे. त्यामुळे जवळपास १० लाख रुपयांचे नुकसान झाले आहे.

सध्या काढणीला आलेल्या पाच एकरांच्या बागेतील चिकू लॉकडाउनच्या पार्श्वभूमीवर विक्रीसाठी घेऊन जाता येत नसल्याने या फळांची नासाडी होत असल्याने शेतकरी बाळासाहेब पाटील हाडोंग्रीकर यांनी चिकूचे मोफत वाटप सुरू केले आहे. तरीही मोठ्या प्रमाणात बागेत पडून या फळांची नासाडी होत आहे. 

बागेतील फळविक्रीतून जवळपास १० लाख रुपयांचे उत्पन्न हाती येण्याची खात्री असताना अचानक कोरोना विषाणूमुळे लॉकडाउन करण्यात आले. लॉकडाउन होऊन दीड महिना झाला तरी माल बाजारात घेऊन जाण्यासाठी वाहनास जिल्हाबंदी आहे. तसेच लॉकडाउनमुळे मजूरही मिळत नसल्याने चिकूची फळे झाडावर पिकून गळू लागली आहेत.

ही फळे सोलापूर, बार्शी, बीड, अहमदनगर येथे मोठ्या प्रमाणात विक्रीसाठी पाठवता आली असती. मात्र लॉकडाउन व जिल्हाबंदी असल्याने माल विकता येईना व माल विकत घेणारे व्यापारी बाजारपेठा बंद असल्याने तेही माल घेण्यास फिरकत नसल्याने सध्या या मालाचे करायचे काय, असा प्रश्न शेतकरी श्री. पाटील यांच्यासमोर आहे. चिकू फळांचा बागेतील झाडांखाली सडा पडत असल्याने शेतकरी पाटील यांनी परिसरातील परिचित सर्वांना फळे घेऊन जाण्याचे आवाहन केले. 

टरबूज, द्राक्ष, शेवगा, केळी, चिकूच्या बागा असलेल्या शेतकऱ्यांचे कोरोनामुळे मोठ्या प्रमाणात नुकसान झाल्याने शेतकऱ्यांवर आर्थिक संकट आले आहे. शासनाने नुकसानीचे पंचनामे करून या भागातील बळिराजाला आर्थिक मदत करण्याची गरज आहे. 
- बाळासाहेब पाटील हाडोंग्रीकर, शेतकरी, हाडोंग्री 

सकाळ+ चे सदस्य व्हा

ब्रेक घ्या, डोकं चालवा, कोडे सोडवा!

Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.

जनसंघ पक्ष म्हणून १९६२मध्ये निवडणुकीत उतरला; पहिल्या प्रयत्नात ० जागा, नंतर 'फिनिक्स'झेप, २०२४ मध्ये भाजपचा चढता आलेख किंगमेकर ठरला!

Maharashtra Assembly Election Result: भाजप पुन्हा नंबर वन, जवळपास ७० टक्के जागा जिंकण्याचा घडविला विक्रम

Maharashtra Election 2024: पंतप्रधान मोदींनी शिंदे-फडणवीस-पवारांचे केले अभिनंदन, म्हणाले, महाराष्ट्रात सत्याचा विजय

Mumbai Assembly Election Results 2024 LIVE Counting: निकालाच्या दिवशी मुंबईत नक्की काय घडलं? वाचा एका क्लिकवर!

Daund Election Result 2024 : दौंड- राहुल कुल यांची हॅटट्रिक, १३ हजार मतांच्या फरकाने विजयी..!

SCROLL FOR NEXT