सेलू (जिल्हा परभणी) : सेलू तालुक्यातील वालूर व परिसरात गुरुवारी (ता. 22) संध्याकाळी साडेपाच वाजण्याच्या सुमारास मुसळधार पाऊस पडला. यंदाच्या झालेली अतिवृष्टी, सतत पडलेल्या मुसळधार पावसाने एक बोअरवेल मधून ओसंडून वाहत आहे.
सुरुवातीपासूनच सेलू तालुक्यात पावसाने दमदार हजेरी लावली. आठ दिवसांच्या उघडीपीनंतर गुरुवारी सायंकाळी मेघगर्जना होऊन जोरदार मुसळधार पाऊस झाला. ऑक्टोंबर महिन्यात परतीचा पावसाने तर सेलू तालुक्यात झालेल्या अतिवृष्टीमुळे शेतीसह खरिपाच्या पिकांना मोठा फटका बसला आहे. सोयाबीन, कापूस हातचा गेला. काही ठिकाणी शेत शिवारातील राहिलेला कापूस एकदाच भरमसाठ वेचणीस आला. कापूस वेचणीस प्रतिकिलो सात ते आठ रुपये दर करूनही कापूस वेचणीसाठी मजूर मिळत नाहीत. पुन्हा पुन्हा कोसळत असलेल्या पावसामुळे बळीराजा मेटाकुटीस आला आहे.
वालूर (ता.सेलू) शिवारातील गट क्रमांक-२९० मध्ये असलेल्या शेतकरी मोहम्मद सइद बागवान यांच्या शेतातील बोअरवेलमधून आपोआप ओसंडून पाणी वाहत आहे. या शिवारातील कापूस एकदाच वेचणीस आल्याने मजूर मिळत नाहीत. काही शेत शिवारातील शेतात पाणी साचल्याने जाता येत नाही.
संपादन - प्रल्हाद कांबळे
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.