छत्रपती संभाजी नगरः भाजपचे ज्येष्ठ नेते तथ माजी केंद्रीय मंत्री रावसाहेब दानवे यांच्या मुलीच्या गाडीला अपघात झाला आहे. त्या सोयगावकडे निघाल्या होत्या. तेव्हा त्यांच्या गाडीची आणि पिकअपची धडक झाली.

कन्नडच्या माजी जिल्हा परिषद सदस्य संजना जाधव ह्या कन्नड-सोयगाव मतदारसंघातील नियोजित दौऱ्यावर निघाल्या होत्या. त्यांची गाडी धुळे-सोलापूर हायवेवर असताना एका पिक-अपने त्यांच्या गाडीला धडक दिली.

पिक-अप चाळीसगावमार्गे रांजणगावकडे निघालं होतं. रांजणगाव फाट्यावर संजना जाधव यांच्या गाडीचा व पिक-अप गाडीचा अपघात झाला. या अपघातामध्ये संजना जाधव आणि गाडीतील सर्वजण सुखरुप आहेत. गाडीच्या एका बाजूला धडक बसली आहे.