बीड जिल्ह्यातून दरोड्याच्या घटनेची एक धक्कादायक बातमी समोर आली आहे. बीडच्या आष्टी तालुक्यातील केरूळ गावातील भागवत वस्तीवर मध्यरात्री दरोडेखोरांनी धुमाकूळ घातला आहे. या घटनेत तब्बल 11 जणांवर धारधार शस्त्राने जीवघेणा हल्ला केला असून यात दीड महिन्याच्या तान्ह्या बाळालाही जमिनीवर आपटून मारहाण करण्यात आली आहे. यात भागवत कुटुंबातील 9 व्यक्ती व 3 बालक गंभीर जखमी झाले आहेत.

घरातील बाळांतीण व दीड महिन्याच्या तान्ह्या बाळाला ओलीस धरून दागिने, सोने, पैसे कुठे आहेत सांग असे धमकावत दहा बारा दरोडेखोरांनी धारधार शस्त्राने मारहाण केली. यावेळी प्रतिक्रार केला तर धारधार चाकूने वार करण्यात आले. या घटनेमुळे संपूर्ण जिल्ह्यात एकच खळबळ उडाली आहे. तर जखमींवर खासगी रुग्णालयात उपचार सुरू आहेत. या हल्यामुळे भागवत कुटुंबीय प्रचंड भयभीत झाले. या घटनेतील जखमी व्यक्तींनी रात्री घडलेली आप बीती सांगितली असून ती थरकाप उडवणारी आहे.