लातूर : विद्यार्थ्याांचे मोबाईल चोरणाऱ्या तिघांना पोलिसांनी अटक केली आहे. त्यांच्याकडून एक लाख ५९ हजाराचे २० मोबाईल जप्त करण्यात आले आहेत.
येथील एमआयडीसी हद्दीमधून परीक्षा हॉलबाहेर बॅग ठेवून परीक्षेसाठी गेलेल्या विद्यार्थ्यांचे मोबाईल बॅगसह चोरुन नेल्याची घटना काही दिवसापूर्वी घडली होती. या प्रकरणी एमआयडीसी पोलिस ठाण्यात गुन्हा दाखल झाला होता.
इतर पोलिस ठाण्यांतही मोबाईल चोरीचे गुन्हे दाखल होते. पोलिसांकडून त्रिक माहितीचे विश्लेषण करुन चोरट्यांचा शोध घेण्यात येत होता. हा तपास सुरु असताना मोबाईल चोरी करणारे व ते कमी किंमतीत विकणाऱ्या चोरट्यांची माहिती पोलिसांना मिळाली होती.
यात पोलिसांनी ऋषिकेश उर्फ भुऱ्या सुरेश कुरे (वय १९, रा. रेणापूर), दिनेश दयानंद पवार (१९, रा. हरंगुळ बु. ), तसेच सोमेश राम हिप्परगे (१९, रा. मुरुड) या तिघांना त्यांच्या घरातून पोलिसांनी ताब्यात घेतले. त्यांची चौकशी केली असता त्यांनी गुन्हा केल्याचे कबुल केले. त्यांनी चोरलेले एक लाख ५९ हजार रुपयांचे २० मोबाइल जप्त केले आहे.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.