उदगीर : उदगीर येथील एकूण लोकसंख्या यांचा विचार करता स्वतंत्र उप प्रादेशिक परिवहन कार्यालय स्थापन करणेबाबतचा प्रस्ताव शासनाच्या विचाराधीन होता. त्यानुसार येथे उप प्रादेशिक परिवहन अधिकारी दर्जाचे एम.एच.५५ या नोंदणी क्रमांकासह नवीन उपप्रादेशिक परिवहन अधिकारी (डेप्युटी आर.टी.ओ) कार्यालय मंजूर झाले.

असून त्याची शुक्रवारी ( ता.१५) अधिसूचना राज्य शासनाच्या ग्रहविभागाने काढली आहे.या कार्यालयासाठी सरकारी अथवा भाडे तत्वावर जागा घेण्यास शासनाने मान्यता दिली आहे. नवीन पदांची निर्मिती होईपर्यंत समायोजनाने पदे भरण्याच्या सूचना आहे.

डेप्युटी आरटीओ, एआरटीओ, मोटार वाहन निरीक्षक, सहा दुय्यम मोटार वाहन निरीक्षक, लिपिक व शिपाई आदी पदे शेजारच्या कार्यालयातून घेतले जाणार आहेत. प्रादेशिक आधिकारी कार्यालय लातूर येथील कार्यालयातून पदे समायोजित केली जाण्याची शक्यता आहे.

उदगीर येथे आर.टी.ओ कार्यालय चालू करावी आशी मागणी मोटार वाहन चालक मालक संघटनेने केली होती. याची तात्काळ दखल घेवुन क्रिडा व युवक कल्याण मंञी संजय बनसोडे यांनी हे कार्यालय मंजुर केल्याबदल त्यांचे सर्व स्तरातून आभार व्यक्त करण्यात येत आहे.

एम.एच.५५ नवा नोंदणी क्रमांक

उदगीरसाठी एम.एच.५२ हा नवीन नोंदणी क्रमांक देण्यात आला आहे. त्याशिवाय एक इंटरसेप्टर वाहनालाही मंजुरी देण्यात आली आहे. कार्यालयासाठी लागणार खर्च व इतर खर्चाची आगामी अधिवेशनात तरतूद केली जाणार आहे. गृहविभागाचे अवर सचिव भरत लांघी यांनी याबाबतचा अध्यादेश जारी केला आहे.