वसमत - वसमत येथील एका १९ वर्षीय मुलीचे (Girl) अश्लील व्हिडिओ (pornographic videos) काढून सोशल मीडियावर (Social Media) व्हायरल करण्याची धमकी देत पैशाची मागणी (Money Demand) करणाऱ्या हैद्राबाद येथील एकावर पोलिसांनी गुन्हा (Crime) दाखल केला आहे.

हैद्राबाद येथील मोहमद अफरोज खान जिलानी खान याने वसमत येथील एका १९ वर्षीय मुलीसोबत सुरवातीला व्हाट्सएपच्या माध्यमातून मैत्री निर्माण केली. त्यानंतर मुलीस लग्नाचे आमिष दाखवत तिच्याशी व्हिडिओ कॉल करून प्रायव्हेट पार्ट दाखवण्यास सांगितले. तसेच याची व्हिडिओ रेकॉर्डिंग करून ठेवली.

आता हे व्हिडिओ नातेवाईकांना व सोशल मीडियावर व्हायरल करण्याची धमकी देत पैशाची मागणी केली आहे. याप्रकरणी मुलीने वसमत शहर पोलीस ठाणे गाठत मोहमद अफरोज खान जिलानी खान यांच्याविरोधात गुन्हा दाखल केला आहे. वसमत शहर ठाण्याचे पोलीस निरीक्षक चंद्रशेखर कदम यांच्या मार्गदर्शनाखाली पोलीस सहाय्यक निरीक्षक गजानन बोराटे, पोलीस उपनिरीक्षक शेटे मॅडम, जमादार भगीरथ सवंडकर तपास करीत आहेत.