जातेगाव(जि.बीड) : घरातील ओसरीवर झोपलेल्या सात वर्षीय मुलीचा साप चावल्याने मृत्यू झाल्याची घटना काल रात्री गेवराईत घडली.

रागिणी नितीन थोरात (वय ७)रा.सिरसदेवी ता गेवराई जि.बीड असे मृत झालेल्या मुलीचे नाव आहे. काल गुरुवारी रात्री रागिणीचे आई-वडिल घराच्या बाहेरील अंगणात तर रागिणी घरात ओसरीवर झोपली होती.

रात्री साधारण अकरा वाजता रागिणी थोरात हिला मळमळ व उलटीचा त्रास सुरु झाला.घाबरलेल्या आई-वडिलांनी तीला तात्काळ बीड जिल्हा रुग्णालयात उपचारार्थ दाखल करण्यात आले.

मात्र, उपचारापूर्वीच तीचा मृत्यू झाला होता.सदरील मुलीचा सापाने चावा घेतल्याने मृत्यू झाल्याचे डाॅक्टरांनी सांगीतले.