हिंगोली : शेतकऱ्यांचं पिवळं सोनं म्हणून ओळखल्या जाणाऱ्या हळदीने पुन्हा एकदा चांगली झळाळी घेतली आहे. हळद शेतकऱ्यांना (Farmer) पिवळे करणार यात शंका नाही. हळद खरेदीसाठी हिंगोलीची बाजारपेठ (Hingoli) सर्वदूर परिचित आहे. बुधवारी (ता.आठ) बाजार समितीत विदर्भासह मराठवाड्यातून (Marathwada) मोठ्या प्रमाणावर आवक झाली आहे. मंगळवारी हळदीचे दर ८५०० रुपयापर्यंत होते. यामुळे आवक वाढली आहे. हिंगोलीत बुलडाणा, औरंगाबाद (Aurangabad), परळी आदी ठिकाणाहून वाहने दाखल झाली आहेत. बुधवारी चार हजार (Turmeric Market) पोत्यांची अवक झाल्याची माहिती बाजार समितीने दिली आहे. येत्या काही दिवसांत हळदीचे दर वाढतील अशी शक्यता व्यापाऱ्यांनी वर्तवली आहे. (Turmeric Price)

हळदीचे वाढलेले दर पाहता हिंगोलीच्या बाजार समितीमध्ये दुरवरचे शेतकरी हळद घेऊन विक्रीसाठी आले होते. यामुळे वाहनांच्या लांबच लांबच रांगा बाजार समिती परीसरात लागल्या होत्या. मराठवाड्यासह इतरही राज्यात मोठ्या प्रमाणावर अतिवृष्टीने हळद पिकाचे मोठे नुकसान झाले आहे. याचाच परिणाम भाववाढीवर दिसत आहे .