मोबीन खान । वैजापूर

Farming : शेतात काम करताना अचानक वीज कोसळल्याने एक जण जागीच ठार व दोन महिलांसह तिघे जखमी झाल्याची घटना शुक्रवारी (ता १४) दुपारी तीन वाजेच्या सुमारास तालुक्यातील शिवराई शिवारात घडली.

दरम्यान,या घटनेत जखमीवर शहरातील खासगी रुघनालयात उपचार सुरु आहे.

भागवत काशीराम दिके (वय ३५) असे या घटनेतील मृताचे नाव असून गीता सचिन सोनवणे (२२), सचिन आसाराम सोनवणे (३०) व वनिता सागर सोनवणे (३५) सर्व राहणार शिवराई हे तिघे जखमी झाले आहेत. त्यांच्यावर वैजापूर येथील डोंगरे हॉस्पिटलमध्ये उपचार सुरु आहेत.

या घटनेची अधिक माहिती अशी कि सध्या तालुक्यात खरीप हंगामासाठी पेरणीचे काम सुरु झाले आहे. शिवराई येथील भागवत डिके यांनी त्यांच्या गट क्रमांक २२ मधील शेतात मका लागवडीचे काम सुरु केले होते. त्यावेळी त्याच्यासोबत गीता, सचिन, वनिता हे शेतमजूर देखील होते.