चिते पिंपळगाव : छत्रपती संभाजीनगर तालुक्यात आता मराठा आरक्षणाचा मुद्दा चांगलाच पेटला असून खोडेगाव (ता .जि छत्रपती संभाजीनगर) येथे मराठा समाज बांधवांनी व गावातील सर्वधर्मीय गावकऱ्यांनी नेहमी मराठा समाजाच्या व आरक्षणाच्या विरोधात बेताल वक्तव्य करणाऱ्या गुणरत्न सदावर्ते ,व मराठा कुणबी या विरोधात वक्तव्य करणाऱ्या केंद्रीय मंत्री नारायण राणे व माजी मंत्री रामदास कदम,

या तिघांचीही गुरूवार ता.26 रोजी सकाळी दहा वाजता गावात अंत्ययात्रा काढुन या तिघांचाही मराठा समाज बांधवांनी व गावकऱ्यांनी निषेध केला असून , त्यांच्या विरोधात घोषणाबाजी करत , मराठा आरक्षणासाठी पुन्हा एकदा उपोषणाला बसलेल्या मनोज जरांगे पाटील यांच्यावर , शासनाने उपोषणाची वेळ येऊ देऊ नये,

शासनाने लवकरात लवकर लगेच ओबीसी तुन मराठा आरक्षण द्यावे अशी मागणी खोडेगाव येथील मराठा समाजाच्या आंदोलनकर्त्यांनी केली आहे , विशेष म्हणजे या अंत्ययात्रेला मडके घेऊन मुस्लिम युवक व गावातील ओबीसी , मुस्लिम ,दलित बांधव मोठ्या प्रमाणावर सामिल झाले होते.