जातेगाव (जि. बीड) - आधीच कर्जाचा डोंगर त्यातच यंदा ही अतिवृष्टीत कपाशीचे पिक वाया गेले. शिवाय दर ही समाधान कारक मिळत नाही. मग कर्ज कसे फिटणार या विवंचनेत असलेल्या ३६ वर्षीय अल्पभूधारक शेतक-यांने गळफास घेऊन आत्महत्या केल्याची घटना काल बीडच्या गेवराईत उघडकीस आली.
कैलास महादेव मुगुटराव (वय-३६) रा. बागपिंपळगाव, ता. गेवराई, जि. बीड असे आत्महत्या केलेल्या शेतक-यांचे नाव आहे.
साडेतीन एकर शेतजमीन असलेल्या कैलास मुगुटराव यांच्याकडे खासगी व राष्ट्रीय बॅकेचे कर्ज असल्याची माहीती कुटुंबीयानी दिली. काल शुक्रवारी घरातील सर्व कुटुंब शेतात गेले असताना शेतकरी कैलास याने दुपारी चार वाजता घरातील आडुला गळफास लावून आत्महत्या केली.
गेवराई पोलिसांना माहीती मिळताच मृतदेह उत्तरीय तपासणीस गेवराई उपजिल्हा रूग्णालयात दाखल करण्यात आला होता. दरम्यान, बीड जिल्ह्यात दोन दसरा मेळावे असल्याने पोलिस बंदोबस्तात असल्याने आत्महत्या गुन्हा दाखल झाला की नाही याची माहीती मिळाली नाही.
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.