वांद्रे येथील भरधाव बेस्ट बस अपघातात बारा वर्षाच्या मुलाचा मृत्यू झाल्याचा धक्कादायक प्रकार समोर आला आहे. सहावीत शिकणारा अरबाज अन्सारी शाळेतून घरी जात असताना भरधाव वेगाने जाणाऱ्या बेस्ट बसने त्याला उडवले. याप्रकरणी बेस्ट बस ड्रायव्हर विजय बागल यांच्यावर कलम 106, 281 नुसार गुन्हा दाखल करण्यात आला असू अटक देखील करण्यात आली आहे.

मिळालेल्या माहितीनुसार अटक आरोपीला आज वांद्रे न्यायालयात हजर करण्यात येणार आहे. दरम्यान अशाप्रकारे भरधाव वेगाने अपघात झाल्यानंतर मुंबईत हळहळ व्यक्त केली जात असून बेस्ट बस चालकांवर संताप व्यक्त करण्यात येत आहे.