मुंबई : दिल्ली-मुंबई इंडिगो फ्लाईटमध्ये प्रवासी महिलेशी लैंगिक अत्याचार प्रकरणी 47 वर्षीय प्राध्यापकाला सहार पोलिसांनी अटक केली आहे.आरोपी प्राध्यापक रोहित श्रीवास्तव मूळचे पाटणाचे रहिवासी आहे. आरोपीला सध्या न्यायालयीन कोठडी सुनावण्यात आली आहे.

सहार पोलिसांनी दिलेल्या माहितीनुसार, बुधवारी पहाटे 5.30 च्या सुमारास दिल्लीहून निघालेल्या फ्लाइटमध्ये श्रीवास्तव प्रवास करत होते. आरोपी आणि पिडीत डॉक्टर महिला विमानात एकमेकांच्या शेजारी बसले होते.फ्लाइट लँड होण्यापूर्वी प्रवासादरम्यान आरोपी श्रीवास्तवने महीलेला हेतुपुरस्सर अनुचितपणे स्पर्श केला.

यावरून दोन्ही सहप्रवाशांमध्ये शाब्दिक बाचाबाची झाली. वाद थांबवण्यासाठी क्रू मेंबरला हस्तक्षेप करावा लागला. विमान उतरल्यानंतर अधिकाऱ्यांनी दोन्ही प्रवाशांना सहार पोलिस ठाण्यात नेले. पिडीत महिलेचा जवाब नोंदवला गेला.नंतर आरोपी श्रीवास्तववर गुन्हा दाखल करण्यात आला आणि त्यांनतर श्रीवास्तव यांना अटक करण्यात आली,. त्यांना न्यायालयात हजर करण्यात आले असता त्यांला न्यायलयाने न्यायालयीन कोठडी सुनावली.