Mumbai Crime: शिवडी परिसरात एक धक्कादायक घटना घडली आहे. एका पाच वर्षीय मुलीवर बलात्कार करण्यात आला आहे. त्यामुळे एकच खळबळ उडाली आहे. मिळालेल्या माहितीनुसार, पाच वर्षीय चिमुरडीवर शेजाऱ्यानेच बलात्कार केला आहे. सदर घटनेमुळे नागरिकांमध्ये संतापाचे वातावरण आहे. 'साम टीव्ही'ने यासंदर्भातील वृत्त दिलं आहे.

चिमुरडी खेळत असताना शेजाऱ्याने तिला उचलून स्वतःच्या घरी नेलं आणि तिच्यावर लैंगिक अत्याचार केला आहे. याप्रकरणी आर ए के मार्ग पोलिसांनी ३० वर्षीय नराधमाला अटक केली आहे. भारतीय न्याय संहितेच्या कलम ६५(२) आणि बालकांचे लैंगिक अत्याचारांपासून संरक्षण कायद्याच्या कलम ४, ८ आणि १२ अंतर्गत आरोपीला अटक करण्यात आली आहे. पोलीस याप्रकरणी अधिक तपास करत आहेत.

मुंबईमधून दररोज काहीनाकाही धक्कादायक घटना समोर येत आहेत. त्यातच हा शिवडीतील प्रकार समोर आला आहे. एका चिमुकलीसोबत असा प्रकार करण्यात आल्याने स्थानिक नागरिकांमध्ये संतापाची लाट आहे. आरोपीवर कठोर कारवाईची मागणी करण्यात आली आहे. याप्रकरणी पोलिसांकडून अधिक तपास सुरु आहे.

दरम्यान, उरणमधील घटनेमुळे संपूर्ण महाराष्ट्रात खळबळ उडाली आहे. दाऊद शेख नावाच्या एका आरोपीने २२ वर्षीय यशश्री शिंदेची हत्या केलीये. तिच्या मृतदेहाची विटंबना करण्यात आली आहे. विशेष म्हणजे १४ व्या वर्षी यशश्री शिंदेला त्रास दिल्या प्रकरणी आरोपी विरोधात पोक्सो अंतर्गत गुन्हा दाखल झाला होता. तो तुरुंगात राहून आला आहे.