मुंबई : मुंबई महापालिकेचे तब्बल 600 अभियंते कोरोनाचा रुग्ण आढळलेल्या इमारती सील करणे, रुग्ण शोधणे, कंटेन्मेंट झोन तयार करणे, रुग्णांचे अहवाल तयार करणे आदी कामे करीत असल्याने प्रकल्प आणि विकासकामे रखडली आहेत. त्यामुळे अभियंत्यांना अभियांत्रिकी कामे करण्यासाठी परत बोलवा अशी मागणी बृहन्मुंबई म्युनिसिपल इंजिनिअर्स असोशिएशनने पालिका आयुक्तांकडे केली आहे.

पालिकेच्या अभियांत्रिकी, उपप्रमुख अभियंता, वास्तुविशारद, आर्किटेक्ट आदी विभागाचे सुमारे 600 अभियंते कोरोनाच्या कामासाठी जुंपले आहेत. मुंबईत सर्वच भागात कोरोनाचा झपाट्याने फ़ैलाव झाला आहे. कोरोनाचा वाढत असल्याचे लक्षात येताच पालिकेच्या अभियंत्यांना कोरोनावर नियंत्रण आणण्याच्या बिगर अभियांत्रिकी कामाला लावले आहे. 

हेही वाचा: मुंबईकरांसाठी आनंदाची बातमी, तलावक्षेत्रात पावसाची जोरदार हजेरी

हातातली कामे सोडून कोरोनाचा रुग्ण आढळलेल्या इमारती सील करणे, रुग्ण शोधणे, कंटेन्मेंट झोन तयार करणे, रुग्णांचे अहवाल तयार करणे, बेघर आणि मजुरांना अन्न वाटप करणे आदी  कामे त्यांना करावी लागत आहेत.

 त्यामुळे प्रकल्प आणि विकासकामे रखडली आहेत. अभियंत्यांना अभियांत्रिकी कामे करण्यासाठी परत बोलवा अशी मागणी बृहन्मुंबई म्युनिसिपल इंजिनिअर्स असोशिएशनचे सरचिटणीस यशवंत धुरी यांनी  पालिका आयुक्तांकडे केली आहे.

हेही वाचा: 'बेस्ट'ला मिळालं तब्बल 'इतक्या' लाखांचं उत्पन्न; ६ लाख कर्मचारी करतायत प्रवास..

अभियंत्यांच्या जागी त्याच खात्यातील बदली कामगार द्यावा, कार्यकारी अभियंता, उपअभियंता, दुय्यम अभियंता, कनिष्ठ अभियंता आदी श्रेणीतील अभियंते हे उच्च शिक्षित आहेत. त्यांना कोरोनाची कामे लावण्यापेक्षा कारकून श्रेणीतील कामगारांना ही कामे द्यावीत, त्यांना अडीच महिने सुट्ट्याही मिळालेल्या नाहीत, अभियंत्यांचे अवमूल्यन करू नये अशी मागणी धुरी यांनी केली आहे.

600 engineers in BMC doing corona works read full story