सोशल मीडियावर समाजात जातीय तेढ निर्माण केल्याप्रकरणी मुंबईतील एका विद्यार्थ्याला अटक करण्यात आली आहे. सुरक्षेच्या कारणास्तव पोलिसांनी आरोपी विद्यार्थ्याची ओळख लपवून ठेवण्यात आली आहे.

तसेच आरोपी विद्यार्थी देवनार येथील इंटरनॅशनल इन्स्टिट्युट फॉर पॉप्युलेशन सायन्सचा हा विद्यार्थी असून तो मूळचा लातूरचा रहिवासी आहे.अटक करण्यात आलेला विद्यार्थ्याने कॉलेजच्या संचालकांना एक गोपनीय पत्र पाठवले होते त्या पत्रात त्याने भगवे झेंडे आणि प्रभू रामाच्या आकाराचे पोस्टर्स कॅम्पसमधून उतरवण्यास सांगितले होते.

गोवंडी पोलिसांनी दिलेल्या माहितीनुसार, प्रभू श्रीरामा बद्दल सोशल मीडियावर आक्षेपार्ह मजकुराची पोस्ट केल्याप्रकरणी 23 जानेवारीला एका विद्यार्थ्याची तक्रार आली होती.पोस्ट करणाऱ्या विद्यार्थ्याने हिंदूंच्या भावना दुखावल्याचा आरोप तक्रारकर्त्याने केला आहे.

त्यानंतर प्राथमिक चौकशी नंतर पोलिसांनी गुन्हा नोंदवून विद्यार्थ्याला अटक करण्यात आली. त्याला दोन दिवसांहून अधिक काळ पोलीस कोठडीत ठेवण्यात आले होते आणि नंतर जामिनावर सोडण्यात आल्याची माहिती मिळत आहे.