Borivali: मुंबई - बोरिवली येथे भरधाव टँकरच्या धडक दुचाकीस्वार तरुण आणि मागे बसलेल्या तरुणीचा मृत्यू झाला. हा अपघात बोरिवली पूर्वेकडील नॅशनल पार्क उड्डाणपुलावर रविवारी दुपारी दोनच्या सुमारास घडला.

कस्तुरबा मार्ग पोलिसांनी दिलेल्या माहितीनुसार टँकर व दुचाकी मालाडच्या दिशेने जात होते. उड्डाणपुलावर टँकरने दुचाकीस मागून धडक दिली. या अपघातात भाईंदर परिसरात राहणारे राहुल कृष्णन(२५) आणि जया पांडे(२४) यांचा मृत्यू झाला. या प्रकरणी अजमल अन्सारी या टँकर चालकास सोमवारी सकाळी अटक करण्यात आली.