चर्चगेट (मुंबई) : आषाढी एकादशी निमित्त पंढरपूर विठू नामाच्या गजराने दुमदुमल आहे. संपूर्ण महाराष्ट्रातून आणि परराज्यातून वैष्णवांचा मेळा पंढरपुरात दाखल झाला असून संपूर्ण महाराष्ट्र विठु नामाच्या गजरात न्हाऊन निघाला आहे.

काही भाविकांना पंढपुरात जाता आलं नसलं तरी ठिकठिकाणी असलेल्या विठ्ठल मंदिरात हा सोहळा साजरा केला जात असून वारकऱ्यांमध्ये मोठा उत्साह आज पाहायला मिळत आहे.

मुंबईची लाईफलाईन असलेल्या मुंबई लोकलमध्ये भजनी मंडळांनी आणि रेल्वे प्रवाशांनी भजन म्हणत आषाढी एकादशी साजरी केली. यावेळी उपस्थित असलेल्या पोलीस कर्मचाऱ्यांनीसुद्धा या सुखसोहळ्याला मनोभावे हजेरी लावली. लहान मुले विठ्ठल, संत ज्ञानेश्वर महाराज, शिवाजी महाराजांची वेशभूषा करून यावेळी उपस्थित होते.

चर्चगेट स्थानकात भजनी मंडळानी आषाढी एकादशी पारंपरिक पद्धतीने साजरी केली...यामध्ये पोलीस देखील सामील झाल्याचं पाहायला मिळालं...

- वसंत प्रभू, भजनी मंडळातील सदस्य