मुख्यमंत्री एकनाथ शिंदे यांच्या संवेदनशील स्वभावाचे पुन्हा एकदा दर्शन पाहायला मिळाले. आज सकाळी ठाणे येथून अधिवेशनासाठी निघाले असता विक्रोळीजवळ एका रिक्षाचा अपघात झाल्याचे त्यांच्या निदर्शनास आले. अपघातामध्ये एक वृद्ध महिला गंभीर जखमी झाल्याचे पाहून मुख्यमंत्र्यांनी तत्काळ आपला ताफा थांबविला आणि त्या महिलेकडे गेले.
त्यांनी जखमी महिलेला विचारपूस करून तिच्या प्रकृतीची चौकशी केली. महिलेला तातडीने वैद्यकीय मदतीची गरज असल्याचे जाणून त्यांनी आपल्या ताफ्यातील अॅम्ब्युलन्स उपलब्ध करून दिली. केवळ अॅम्ब्युलन्स नाही, तर आपल्या अधिकाऱ्याला सोबत देऊन महिलेला जवळच्या रुग्णालयात दाखल करण्याची व्यवस्था केली.
या कृतीमुळे जखमी महिलेला वेळीच मदत मिळाली आणि तिच्या जीवाला मोठा धोका टळला. या मदतीबद्दल त्या महिलेनं मुख्यमंत्र्यांचे आभार मानले. मात्र, या प्रसंगामुळे मुख्यमंत्री शिंदे यांची संवेदनशील मुख्यमंत्री ही छबी पुन्हा एकदा नव्याने अधोरेखित झाली आहे.
एकनाथ शिंदे यांच्या या कृतीची प्रशंसा सर्वत्र होत आहे. जनतेच्या सेवा आणि मदतीसाठी नेहमी तत्पर असणारे मुख्यमंत्री म्हणून शिंदे यांची ओळख आहे. विक्रोळीतील हा प्रसंग त्यांच्या जनसेवेच्या प्रवासातील आणखी एक महत्त्वाचा टप्पा ठरला आहे.
मुख्यमंत्री शिंदे यांचा हा संवेदनशील आणि माणुसकीपूर्ण दृष्टिकोन त्यांच्या कार्यशैलीचे प्रतीक म्हणून पाहिले जात आहे.
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.