मुंबई : नवीन वर्षाच्या पूर्वसंध्येला मुंबईत बॉम्बस्फोटाची धमकी देणारा फसवा कॉल केल्याप्रकरणी पोलिसांनी एका आरोपीला पकडले आहे.आरोपीचे नाव नरेंद्र कवळे असे असून त्याला धारावी परिसरातून अटक करण्यात आली.

पोलिसांनी दिलेल्या माहितीनुसार, शुक्रवारी रात्री एका व्यक्तीने पोलिसांच्या नियंत्रण कक्षाला फोन करून बॉम्बच्या धमकीची माहिती दिल्यानंतर गेले गुन्हा दाखल करण्यात आला होता.शुक्रवारी रात्री 8.50 च्या सुमारास फोन करण्यात आला.

त्याने पोलीस नियंत्रण कक्षाला सांगितले की एक व्यक्ती काही शस्त्रे आणि आरडीएक्स स्फोटक घेऊन उत्तर प्रदेशातून निघून गेली आहे. त्यानंतर त्याने नियंत्रण कक्षाच्या अधिकाऱ्याला एटीएसचा संपर्क क्रमांक देण्यास सांगितले आणि नंतर फोन बंद केला.

फोन करणारा हा मुंबईचा असून त्याने मोबाईल क्रमांकावरून कॉल केल्याचे तपासात समोर आले आहे. नवीन वर्षाच्या पूर्वसंध्येला शहरात काही ठिकाणी बॉम्बस्फोट होणार असल्याचे त्यांनी नियंत्रण कक्षाला सांगितले.

त्यानंतर आरोपीचे नाव नरेंद्र कवळे असे असून तो धारावी परिसरातील रहिवासी असल्याचे पोलिसाना महिती मिळाली. त्वरित आरोपीला धारावी परिसरातून पोलिसांना फसवणूक करून खोटी माहिती दिल्याप्रकरणी अटक केली.