मुंबईचे माजी पोलीस आयुक्त परमबीर सिंग (Parambir Singh) यांना लाच लुचपत प्रतिबंधक विभागानं (ACB) परमबीर सिंग यांना समन्स पाठवलं होतं. आज त्यांना चौकशीसाठी हजर राहण्याचे आदेश या समन्समध्ये होते. परंतू, सिंग यांनी कोविडचं (Covid19) कारण सांगत दोन आठवड्यांचा वेळ मागून घेतला आहे. अनुप डांगे (Anup Dange) प्रकरणात परमबीर सिंग यांनी मोठ्या प्रमाणात भ्रष्टाचार केल्याचा आरोप आहे. (After the ACB summons Parambir Singh asked for two weeks time)

अनुप डांगे प्रकरणात परमबीर सिंह यांच्यावर भ्रष्ठाचाराचा आरोप आहे. याप्रकरणी त्यांची आज (मंगळवार) दुपारी १२.३० वाजता जबाब नोंदवण्यात येणार होता. परंतू कोविडच्या प्रादुर्भावाचं कारण देत, परमबीर सिंह यांनी वकिलांमार्फत लाच लुचपत प्रतिबंधक विभागाकडे पत्र व्यवहार करून दोन आठवड्याचा वेळ मागून घेतला आहे.

दरम्यान, यापूर्वी एसीबीनं 10 जानेवारी रोजीही परमबिर सिंग यांना समन्स बजावलं होतं. मात्र, 11 जानेवारी रोजी सुप्रीम कोर्टात सुनावनी असल्याचं कारण देत परमबीर सिंह यांच्या वकिलांनी वेळ मागून घेतला होता.