भाजपाचे नेते किरीट सोमय्या यांनी अनिल परबांच्या अनधिकृत रिसॉर्टविरोधात मोहीम उघडल्याचं चित्र आहे. सोमय्यांनी मागील आठवड्यातच ते दापोलीत रिसॉर्ट तोडायला जाणार असल्याची घोषणा केली. (Kirrit Somaiya Alleges Anil Parab over Illegal Resort)

यासाठी त्यांनी प्रतिकात्मक हातोडा देखील बनवला. रत्नागिरी जिल्ह्यातील दापोलीत बांधण्यात आलेले रिसॉर्ट अनिल परब यांच्या मालकीचे आहेत. तसेच ते अनधिकृतपणे बांधण्यात आल्याचा आरोप सोय्यांनी केला होता. यानंतर सोमय्या थेट कोकणाच्या वाटेवर आहेत. त्यांच्यासोबत भाजपचे कार्यकर्ते देखील सहभागी झाले आहेत.

दरम्यान, या प्रकरणावर आता अनिल परब यांची पहिली प्रतिक्रिया आली आहे. संबंधित रिसॉर्ट माझं नसल्याचं त्यांनी म्हटलंय. यासंबंधी ज्या चौकशा करायच्या होत्या त्या झालेल्या आहेत. मी कोर्टात याचिका देखील दाखल केली आहे, असं ते म्हणाले.

काय म्हणाले परब?

• किरीट सोमय्या वातावरण खराब करत आहेत

• रिसॉर्टवर ज्यांना रोजगार मिळतोय ते भयभीत झालेत

• त्या कामगारांनी पोलिसांत तक्रार केली आहे

• मी पुन्हा आता हायकोर्टात जाणार आहे

• कारण माझी प्रतिमा खराब करण्याचे काम करत आहेत

• हिंमत असेल तर तोडून दाखवा, ते फक्त नौटंकी करत आहेत

अनिल परब यांचे मुद्दाम नाव घेऊन सोमय्या वातवरण खराब करत आहेत. कोकणात ज्यांचे पाण्यात बंगले आहेत, त्यांच्यावर पण कारवाई करावी, असं त्यांनी म्हटलं.

किरीट सोमय्या नौटंकी करत आहेत. गावकऱ्यांच्या म्हणण्यानुसार ते वातावरण खराब करत आहेत. ग्रामस्थांचा मला देखील फोन आला, आम्ही विरोध करू. पण मी म्हणालो, तो तुमचा प्रश्न आहे. जर त्यांच्या व्यवसायावर किरीट सोमय्या जात असतील तर ते विरोध करणारच ना?, असा प्रश्न परबांनी उपस्थित केला.