मुंबई : माजी मंत्री बाबा सिद्दीकी यांच्या हत्या प्रकरणात नवी अपडेट समोर आली आहे. याप्रकरणी चौथी अटक झाली असून त्याचं पुण्याशी असलेलं कनेक्शन समोर आलं आहे. त्यामुळं या कटात पुण्याचा सहभाग असल्यानं खळबळ उडाली आहे. या आरोपीच्या चौकशीत अनेक धक्कादायक बाबी समोर आल्या आहेत.

मुंबई पोलिसांच्या गुन्हे शाखेनं ही अटक केली असून हरीश कुमार बालकरामा असं या २३ वर्षीय व्यक्तीचं नाव आहे. हरीश कुमार हा पुण्यातील एक स्क्रॅप डीलर असून त्यानं सिद्दीकी यांच्या हत्येच्या कटात पैसा तसंच इतर सहकार्य पुरवल्याचा त्यासाठी लॉजिस्टिकल सपोर्ट केल्याचा पोलिसांचा दावा आहे. मुंबई पोलिसांच्या गुन्हे शाखेनं ही कारवाई केली असून काही वेळातच त्याला कोर्टात हजर केलं जाणार आहे.

दरम्यान, बाबा सिद्दीकी यांची हत्या झाली त्यावेळी दोन आरोपींना पोलिसांनी अटक केली होती. त्यानंतर दुसऱ्या दिवशी तिसऱ्या आरोपीलाही पोलिसांनी ताब्यात घेतलं होतं. आता चौथा आरोपीही अटकेत आहे. या गोळीबार आणि हत्या प्रकरणाची जबाबदारी लॉरेन्स बिश्नोई गँगनं घेतली आहे.