Bhiwandi Crime: शहरातील दोन आरोपींना पोलिस उपायुक्तांच्या आदेशानुसार हद्दपार केले असतानाही ते दोघेही भिवंडीत दिसून आल्याने या दोघांना नारपोली पोलिसांनी ताब्यात घेऊन अटक केली आहे. राहुल दशरथ राठोड (वय २१, रा. अंजूर फाटा, रातनगर), वैभव गोपाळ पवार (वय २४, रा. साठेनगर, भिवंडी) अशी अटक तडीपार गुंडांची नावे आहेत.

आरोपी राहुल व वैभव याला भिवंडी परिमंडळ दोनच्या तत्कालीन पोलिस उपायुक्तांच्या आदेशानुसार २ एप्रिल २०२४ रोजी ठाणे शहर पोलिस आयुक्तालय, बृहन्मुंबई, नवी मुंबई, पालघर, रायगड व पुणे जिल्हा आदी क्षेत्रांतून दोन वर्षांच्या कालावधीकरिता तडीपार करण्यात आले होते; मात्र असे असतानाही राहुल व वैभव हे वेगवेगळ्या ठिकाणी शुक्रवारी (ता. ११) रात्री साठेनगर परिसरात पोलिसांना दिसून आला. पोलिसांनी दोघांना ताब्यात घेऊन त्यांच्याविरोधात गुन्हा दाखल करत अटक केली. दोघा आरोपींना नोटीस देऊन सोडून देण्यात आल्याची माहिती पोलिसांनी दिली.