ठाणे - मुंब्रा-पनवेल मार्गावरील शिळ-महापे येथे सोमवारी (ता. 9) एक दुचाकीस्वार घसरून ट्रकखाली सापडल्याने त्याचा मृत्यू झाला. शिवकुमार वर्मा (23) असे मृताचे नाव असून तो कल्याण पूर्व येथील रहिवासी होता.
शिवकुमार त्याचा शेजारी कपिल भानुशाली (24) याच्यासोबत दुचाकीवरून वाशी मार्केट येथे किराणा माल आणण्यासाठी निघाला होता. या अपघाताची शिळ-डायघर पोलिस ठाण्यात नोंद करण्यात आली असून ट्रकचालकाला ताब्यात घेण्यात आले आहे.
मुंब्रा-पनवेल मार्गे कपिल आणि शिवकुमार हे दोघेही दुचाकीवरून वाशी मार्केटला निघाले होते. तेव्हा, मुंब्रा येथील खान कंपाऊंडच्या गेटसमोरील रस्त्यावर अचानक समोर आलेल्या रिक्षाला बघून कपिल याने दुचाकीला तत्काळ ब्रेक लावला. त्यामुळे त्यांची दुचाकी जागीच घसरून दोघेही दुचाकीवरून पडले. त्यात पाठीमागे बसलेला शिवकुमार थेट शेजारून निघालेल्या ट्रकच्या चाकाखाली सापडून गंभीर जखमी झाला. त्यानंतर रुग्णालयात उपचार करण्यापूर्वीच त्याचा मृत्यू झाला.
web title : bike accident at thane one dead
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.