दिवा - दिवा स्टेशनच्या बाजूला असणाऱ्या तलावाच्या दुरवस्थेबाबत भारतीय जनता पार्टीने महापालिकेचे लक्ष वेधण्यासाठी या तलावाच्या दुरवस्थेचा निषेध करताना तलावाचे श्राद्ध घालून अनोखे आंदोलन केले.

दिवा शहरात एकूण चार तलाव आहेत. त्यातील दिवा पूर्वेकडील स्टेशन परिसरात असणाऱ्या या तलावाची वाईट दुरावस्था झाली असून तलावाच्या सुशोभीकरणासाठी मंजूर झालेला निधी गेला कुठे? असा सवाल भाजपने या आंदोलन दरम्यान विचारला आहे. हा तलाव दिवा शहरातील मोक्याच्या ठिकाणी आहे.

या तलावाच्या चहूबाजूने अतिक्रमण झालेले असून त्यात मच्छी मार्केटची घाण, बाजूच्या इमारतींचे सांडपाणी, तेथे व्यवसाय करणाऱ्या वडापाव वाल्यांची घाण यात सोडल्याने त्यातील जीवंत असणारे मासे, किडे, पक्षी यांना धोका निर्माण झाला आहे. त्यासाठी आजचे भाजपा मार्फत केले गेलेल्या आंदोलनाचे जनमाणसातून कौतूक केले जात आहे.

यावेळी भाजपचे मंडळ अध्यक्ष सचिन भोईर, ठाणे जिल्हा सचिव विजय भोईर, ठाणे जिल्हा कार्यकारी सदस्य विनोद भगत, अशोक पाटील, रेशमा पवार, ठाणे युवा मोर्चा उपाध्यक्ष सतीश केळशीकर, संघटक सरचिटणीस दिलीप भोईर, समीर चव्हाण, ओबीसी मोर्चा दिवा मंडळ अध्यक्ष रोशन भगत, महिला मंडळ अध्यक्ष ज्योती पाटील, सपना भगत, जयदिप भोईर, जिलाजीत तिवारी, गौरीशकर पटवा, समशेर यादव, अमरनाथ गुप्ता, सुशील सिंग, विरेंद्र गुप्ता आशिष पाटील प्रणय भोईर यांसह अन्य कार्यकर्ते उपस्थित होते.