मंत्रालयाजवळ सुरु असेलेल्या मेट्रोच्या कामावेळी करण्यात आलेल्या ब्लास्टमुळे मंत्रालयाच्या काचा फुटल्या आहेत. यामुळे मंत्रालय परिसरातील अनेक गाड्यांचं देखील नुकसान झालं आहे. मंत्रालयाजवळ सब वे चे काम सूरू आहे. त्या ठिकाणी स्फोट केल्यानंतर मंत्रालयाच्या आणि मंत्रालयाबाहेरील उभ्या असलेल्या गाड्यांचे मोठ्या प्रमाणावर नुकसान झाले आहे.

मेट्रोच्या कामासाठी अनेक स्फोट करणं सूरू होतं. ब्लास्ट करताच अनेक दगड मंत्रालयाच्या दिशेने आले. मंत्रालयातील पार्किंगमध्ये उभ्या असणाऱ्या गांड्यांच्या काचा फुटल्या. तर मंत्रालयाच्या खिडक्याच्या काचा देखील फुटल्या आहेत. ब्लास्ट करताच अनेक दगड मंत्रालयाच्या दिशेने उडाल्याने मंत्रालयातील पार्किंगला असलेल्या गाड्यांच्या काचा फुटल्या तर जवळ असलेल्या खिडक्यांच्या काचाही फुटलेल्या पाहायला मिळाल्या.

सुदैवाने यामध्ये आतापर्यंत कोणीही जखमी नसल्याची माहिती समोर आली आहे. दरम्यान या घटनेमध्ये मंत्री सुधीर मुनगंटीवार यांच्या कार्यालयाचेही काही प्रमाणात नुकसान झाल्याची माहिती समोर आली आहे.