मुंबई :  मानखुर्द येथे 44 वर्षीय महिलेवर सामुहिक बलात्कार केल्याप्रकरणी पोलिसांनी चौघांना अटक केली. त्यातील एका आरोपीने मुलाचा वाढदिवस असल्याचे सांगून पार्टीसाठी महिलेला बोलावून शीतपेयातून गुंगीचे औषध देऊन बलात्कार केलाचा आरोप आहे.

मुंबईकरांनो, जाणून घ्या रविवारचा मेगाब्लॉक कोणत्या मार्गावर असणार! वाचा बातमी

अब्दुल जिलानी सत्तार शेख(34), हैदर अली सरदार शेख ऊर्फ हिरा(35), मुराद मेहबूब शेख उर्फ राज(29) व मोहम्मद मुदाशीर नबी शेख उर्फ नबी उर्फ रहिम (34) अशी अटक आरोपीची नाव आहेत. यातील रहिम हा मानखुर्द येथील रहिवासी असून उर्वतीत तिघे आरोपी माटुंगा लेबर कँप येथील रहिवासी आहेत.

आणखी किती संकटांना तोंड द्यायचं मुंबईकरांनी? 'या' गैरसोयीसाठीही राहावं लागणार तयार

पीडित महिला विमा सल्लागार म्हणून काम करते. आरोपी अब्दुलने महिलेला त्याच्या मुलाच्या वाढदिवसाची पार्टी असल्याचे सांगून तिला बोलावले होते. महिला तेथे गेली असता तेथे अब्दुलच्या घरातील कोणीही उपस्थित नव्हते. आरोपीने तिला आपण मित्रांसोबत पार्टी करत असल्याचे सांगून तिला शीतपेय दिले. त्यानंतर तिला गुंगी आल्यानंतर चौघांनी तिच्यावर बलात्कार केला. जून महिन्याच्या शेवटच्या आठवड्यात हा प्रकार घडला.

ट्रेन बंद असल्याने 'मरे'ने प्रवाशांना दिला तब्बल एवढ्या कोटींचा परतावा

या प्रकारानंतर महिला रुग्णालयात दाखल झाली होती. तेथे शुद्धीवर आल्यावर तिने हा प्रकार तेथील डॉक्टरांच्या कानावर घातला. त्यानंतर पोलिसांना याची माहिती देण्यात आली. पोलिसांनी रुग्णालयात जाऊन महिलेचा जबाब नोंदवला. त्यानुसार याप्रकरणी सामुहिक बलात्काराचा गुन्हा दाखल करण्यात आला आहे. 

आरोपींना पोलिस कोठडी
प्राथमिक वैद्यकीय अहवालात महिलेवर बलात्कार झाल्याचे निष्पन्न झाले असून तिच्या अंगावर नख मारल्याच्या जखमा आहेत. याप्रकरणी सर्व आरोपी 8 जुलैपर्यंत पोलिस कोठडीत आहेत. याप्रकरणी पोलिस पुरावे गोळा करत असून सीआरपीसी 164 अंतर्गत महिलेचा जबाब नोंदवण्यात येणार आहे.