पोलादपूर : पोलादपूर तालुक्यातील माटवण येथे राजकीय पूर्ववैमनस्यातून वादंग निर्माण झाला. या वादातून भावाने सख्या भावाची धारदार शस्त्राने हत्या केली असल्याची घटना रविवारी (ता.1) घडली.यामुळे तालुक्यात खळबळ उडाली आहे. सखाराम विश्राम मांढरे असे आरोपीचे नाव आहे.
या बाबत आरोपीचा पुतण्या अतुल गणपत मांढरे यांनी पोलादपूर पोलीस ठाण्यात दिली. पोलिसांनी तात्काळ घटनास्थळी धाव घेत 7 जणांना अटक केली असून 40 जणांवर गुन्हे दाखल केले आहेत. पोलिसांनी दिलेल्या माहितीनुसार माटवण येथील गणपत विश्राम मांढरे व सखाराम विश्राम मांढरे हे सख्खे भाऊ असून पूर्वीपासून यांच्यात व गावात शेकाप, शिवसेना असा वाद आहे. पूर्व वैमनस्यातून रविवारी सायंकाळी पाच वाजताच्या सुमारास गैर कायद्याची मंडळी जमवुन आरोपीने धारदार हत्याराने त्यांचा खून केला. या घटनेमुळे पोलादपूर तालुक्यात खळबळ उडाली. या घटनेनंतर पोलादपूर पोलिसांनी आरोपी सखाराम मांढरे व विठ्ठल मस्के यांच्यासह 38 जणांवर गुन्हे दाखल करण्यात आले असून 7 जणांना ताब्यात घेतले.
गावात राजकिय तणाव
माटवण गावात राजकीय तणाव निर्माण झाल्याने पोलीस बंदोबस्त तैनात करण्यात आला आहे.
या घटनेनंतर आमदार भरत गोगावले, युवा नेते विकास गोगावले, जिल्हा परिषद सदस्य चंद्रकांत कळंबे, मानगाव येथील पोलिस अधिकारी यांनी घटनास्थळी धाव घेत घटनेची माहिती घेतली. या घटनेचा तपास सहाय्यक पोलीस निरीक्षक प्रशांत जाधव हे करीत आहेत .
सकाळ+ चे सदस्य व्हा
ब्रेक घ्या, डोकं चालवा, कोडे सोडवा!
Read latest Marathi news, Watch Live Streaming on Esakal and Maharashtra News. Breaking news from India, Pune, Mumbai. Get the Politics, Entertainment, Sports, Lifestyle, Jobs, and Education updates. And Live taja batmya on Esakal Mobile App. Download the Esakal Marathi news Channel app for Android and IOS.