मुंबई: लोकल ट्रेन (Local train) सुरु करण्याच्या मागणीसाठी मुंबईत भाजपाकडून (bjp) सुरु असलेल्या आंदोनलावर काँग्रेस नेते आणि मंत्री बाळासाहेब थोरात (balasaheb thorat) यांनी टीका केली आहे. "सर्वसामान्यांसाठी लोकल सुरु करण्याचा निर्णय टास्क फोर्सशी (Task force) चर्चा करुन घेण्यात येईल, तसा योग्य निर्णय होईल" असे बाळासाहेब थोरात म्हणाले.

"रेल्वेने प्रवास करत असाल, तर तो शो नाही. जीवनाची संस्कृती असली पाहिजे. एकदिवस दाखवायचं रेल्वेने प्रवास करतोय आणि दुसऱ्या दिवशी भारी गाडीने फिरायचं, हा राजकारणाचा भाग झाला" असे बाळासाहेब थोरात म्हणाले.

सर्वसामान्य लोकल सुरु करण्याची मागणी करतायत, त्यावर बाळासाहेब थोरात म्हणाले की, "मुख्यमंत्री टास्क फोर्सशी चर्चा करुन ठरवतील. शेवटी लोकांच्या आरोग्यासाठी काही निर्णय घेतलेत"