डोंबिवली - 2014 साली देखील राहुल गांधी यांनी भिवंडीत सभा घेतली होती. तेव्हा काही झालं नाही. आता दौरा करून काय होणार आहे. लोक मोदीजींच्या विकासावर लक्ष ठेवून असून त्यांच्यावरील विश्वासाला लोक मत देणार आहेत. त्यामुळे राहूल गांधी यांचा दौरा होवो किंवा इतर कोणाचा भिवंडी लोकसभेच्या निकालात काही फरक पडत नाही असे ठासून उमेदवार पाटील यांनी सांगत आपला विजय निश्चित असल्याचे जणू सांगत आहेत.

भारतीय जनता पार्टीचे राजस्थानचे खेळ मंत्री कर्नल राजवर्धन सिंह राठोड हे भिवंडी लोकसभा मतदारसंघात गुरुवारी आले होते. यावेळी त्यांनी कल्याण येथे मंत्री पाटील यांच्या जनसंपर्क कार्यालयात पत्रकारांशी संवाद साधला. मंत्री राठोड यांनी देखील काँग्रेसच्या दौऱ्या विषयी बोलताना म्हणाले, काँग्रेसजवळ ना विचार आहेत, नाही इच्छाशक्ती आहे.

पार्ट टाइम पॉलिटिशन त्यांच्याकडे आहेत. आणि मला वाटतं त्यांची एकच खेळी राहिली आहे की मोदी हेट. आणि त्या कारणामुळे ते पदभ्रष्ट देखील झाले. मोदीजींना थांबवायच्या चक्कर मध्ये राष्ट्राचा विकास थांबवायला ते लागले हेच ते विसरून गेल्याचे राठोड यांनी सांगितले.

काँग्रेसच्या वतीने महाराष्ट्रात भारत जोडो न्याय यात्रा सुरू असून नेते राहुल गांधी हे यात्रेच्या माध्यमातून जनतेशी संपर्क साधत आहेत. शुक्रवारी भिवंडी तसेच कळवा मुंब्रा मतदारसंघात राहुल गांधी यांची ही यात्रा होणार आहे. याविषयी खासदार तथा महायुतीचे भिवंडी लोकसभेचे उमेदवार पाटील यांना विचारले असता ते म्हणाले, 2014 साली देखील राहुल गांधी यांनी भिवंडीत सभा घेतली होती, तेव्हा काही झालं नाही. आता दौरा करून काय होणार आहे.

लोक मोदीजींच्या विकासावर लक्ष ठेवून आहेत. विकासाच्या माध्यमातून मोदीजींनी जनतेचा जो विश्वास जिंकलेला आहे. त्या विश्वासाला लोक मत देणार आहेत. लोकांची मानसिकता सेट आहे. 2024 ला फिर एक बार मोदी सरकार, अगली बार चारसो पार. यामुळे राहुल गांधींचा दौरा येवो नाही तर अजून काही येवो, भिवंडी लोकसभेच्या निकालात काही फरक पडत नाही. असा ठाम विश्वास त्यांनी व्यक्त केला.