मुंबई:  एकीकडे राज्यात कोरोना रुग्णांचा आकडा दिवसेंदिवस वाढताना दिसतो आहे. तर दुसरीकडे मात्र मुंबईतल्या दाट लोकवस्तीत कोरोना रुग्णांचा वाढता आकडा नियंत्रणात आला आहे. 

धारावीतील रुग्णसंख्या नियंत्रणात येत असून आज केवळ 13 नवीन रुग्णांची नोंद झाली. धारावीतील रुग्णसंख्या 1912 वर पोहोचली आहे. धारावीसह दादर-माहीम परिस्थिती ही नियंत्रणात येत असल्याचे दिसत असून नवीन रुग्णसंख्या घटली आहे.  

 हेही वाचा: लॉकडाऊन शिथिल झाला पण 'ही' काळजी घेणं आवश्यक; WHO नं मास्कबाबत नव्या गाईडलाईन्स केल्या जारी

आज धारावीत 14 नवीन रुग्ण सापडल्याने रुग्णांची संख्या 1912 वर पोहोचली आहे. तर मृतांचा आकडा 71 वरच रोखण्यात यश आले आहे. माहीम मध्ये आज 13 नवीन रुग्णांची भर पडल्याने रुग्णांची संख्या 637 इतकी झाली आहे.

तर मृतांचा आकडा 9 इतका आहे. तर दादर मध्ये आज 24 नवीन रुग्ण सापडले असून एकूण रुग्णांची संख्या ही 408 इतकी झाली आहे. तर आजपर्यंत 12 मृत्यू झाले आहेत. 

हेही वाचा: मेट्रो 3 भुयारी मार्गिकेवर कृत्रिम पडद्याचा वापर; पावसाळ्यातही भुयारीकरणाचं काम राहणार सुरू..   

धारावीसह दादर आणि माहीम मधील परिस्थिती देखील नियंत्रणात आल्याचे दिसते. जी उत्तर विभागात आज दिवसभरात 50  नवीन रुग्णांची भर पडली असून एकूण रुग्णांची संख्या 2957 इतकी झाली आहे. तर मृतांचा आकडा 90 इतका आहे.

corona patients decreased in dharavi and dadar read full story