वसई - वसईत कोरोनाच्या पार्श्वभूमीवर गणेशोत्सवात खबरदारी म्हणून वसई विरार महापालिका व पोलीस प्रशासनाने उपयोजनांबाबत पावले उचलली आहेत. तसेच विसर्जनाबाबत नियम घालून दिले आहे.

विसर्जनापूर्वीच कृत्रिम तलाव फुटला! भाजप कार्यकर्त्यांनी केले BMC चे प्रतिकात्मक विसर्जन

यंदा मिरवणूक, गर्दी न करता उत्साह साजरा करण्याचे आवाहन शासनाने तसेच प्रशासनाने नागरिकांना केले आहे. याला प्रतिसाद देत अनेक मंडळांनी मूर्ती न आणण्याचे ठरवले. काहींनी घरीच बाप्पांची मूर्ती तयार केली आहे. तर विसर्जन कृत्रिम पद्धतीने करण्याचा निर्णय घेतला असल्याने तलावावर गर्दी कमी दिसणार आहे. यावर्षी सार्वजनिक व घरगुती एकूण २६ हजार मूर्तींचे आगमन झाले आहे.

गेल्या वर्षी एकूण 30 हजार 675 मूर्ती वसई तालुक्यात होत्या. मात्र यावेळी प्रमाण कमी झाले आहे. महापालिका प्रशासन, बहुजन विकास आघाडीच्या माध्यमातून नऊ प्रभागात कृत्रिम पद्धतीने विसर्जन करण्यासाठी नागरिकांना प्रोत्साहित केले जात आहे. गणपती विसर्जनासाठी 73 ठिकाणी तलावाची व्यवस्था असते. मात्र यंदा फक्त 30 ठिकाणीच विसर्जन केले जाणार आहे.

तुम्हाला माहित आहे का? मुंबईतील पहिला सार्वजनिक गणेशोत्सव कोणी सुरू केला? वाचा

कोरोना संसर्ग वाढू नये म्हणून खबरदारी घेण्यात येत आहे तलाव तसेच सार्वजनिक मंडळात गर्दी करू नये यासाठी आवाहन करण्यात आले आहे. शक्यतो परिसरातच मूर्तीचे विसर्जन करावे. तलावाच्या ठिकाणी पोलिसांचा बंदोबस्त तैनात करण्यात येणार आहे अशी माहिती अप्पर पोलीस अधीक्षक विजयकांत सागर यांनी दिली.

----------------------------------------------------

( संपादन - तुषार सोनवणे )