मुंबई : मुंबईतील नेहरू नगरमध्ये एका महिला उपनिरीक्षकाचा मृतदेह तिच्याच घरात सापडला आहे. मुंबई पोलिसांनी दिलेल्या माहितीनुसार, शीतल आडके असे या महिला पोलीस अधिकाऱ्याचे नाव आहे. शीतल आडके (वय 35) या गेल्या दीड वर्षांपासून आजारपणाच्या रजेवर होत्या.

मूळच्या नगर जिल्ह्यातील असलेल्या उपनिरीक्षक शीतल आडके या मुंबईत भाड्याच्या घरात राहत होत्या. प्राथमिक तपासात ही आत्महत्या असल्याचे समजते.

घरातून दुर्गंधी आल्यानंतर शेजाऱ्यांनी पोलिसांना याबाबत माहिती दिली. त्यानंतर पोलिसांनी घराचा दरवाजा तोडून मृतदेह बाहेर काढला. पोलिसांनी एडीआर नोंदवून तपास सुरू केला आहे.