मुंबई : दुखरा दात हा खूपच त्रासदायक ठरतो. दात दुखायला लागला की आपली पावले लगेच दंतवैद्यकांकडे वळतात; पण आता कोरोनाच्या महामारीत दंतवैद्यकांकडील रुग्णांची संख्याही कमी झाली आहे. दोन महिने बंद असलेले दातांचे दवाखाने सुरु झाले खरे; मात्र लॉ़कडाऊनच्या दोन महिन्यांच्या बंदीतून अनेक जण सावरलेले नाहीत. त्यातील काही जण आपली प्रॅक्टीस सोडण्याचा विचार करीत आहेत.  

मोठी बातमी : मुंबईतील नऊ पोलिस उपायुक्तांच्या पुन्हा बदल्या...

कोरोना महामारीमुळे दंतवैद्यकांना सर्व उपकरणांचे सातत्याने निर्जंतुकीकरण तसेच पीपीई किटची सक्ती करण्यात आली आहे. अर्थातच त्यामुळे खर्च वाढला आहे. त्यामुळे दातावरील उपचाराचे दर वाढले आहेत. आम्हाला उपचारासाठी आखून दिलेली मार्गदर्शक तत्त्वे खूपच त्रासदायक आहेत. त्याचबरोबर दाताचे अनेक दवाखाने कमी जागेत असतात. काही तर दीडशे चौरस फूटात असतात. या परिस्थितीत सुरक्षित अंतर कसे राखले जाणार, अशी विचारणा घाटकोपरमध्ये व्यवसाय करीत असलेल्या डॉ. मनीश घुरी आणि डॉ. अवनी घुरी या दाम्पत्याने केली. आता आम्हाला एकंदरीत सर्व उपाय अमलात आणण्यासाठी शुल्क वाढवण्याशिवाय पर्याय नाही. अर्थात कोरोनाच्या धास्तीमुळे अनेक रुग्ण कमी झाले आहेत. 

आयसीएसई मंडळाचा निकाल जाहीर; गेल्यावर्षीच्या तुलनेत यंदा निकालात झाली...

दाताच्या अत्याधुनिक उपचाराच्यावेळी अनेक गोष्टी परदेशातून आलेल्या असतात. त्यात मोठ्या प्रमाणावर वाढ झाली आहे. याकडे डॉ. मुकुंद शानबाग यांनी लक्ष वेधले. डॉ. अमित साळुंके यांनी यांनी क्लिनीकचे भाडेही देणे अवघड झाल्याने काहींनी ती बंद केली आहेत, असे सांगितले. त्याचवेळी त्यांनी नोव्हेंबरपर्यंत परिस्थिती सुधारेल अशी आशा व्यक्त केली. अनेक डॉक्टरांनी शुल्कात 25 टक्के वाढ करणे भाग पडले असल्याचे सांगितले.

योगेश सोमण यांना क्लीन चिट; विद्यार्थ्यांनी दिला मात्र उपोषणाचा इशारा

दंत विद्यालयातील प्राध्यापक डॉ. हेमंत धुबिया यांनी अनेक दंतवैद्यकांनी प्रॅक्टीस बंद करुन अन्य पर्यायांचा विचार सुरु केल्याचे सांगितले. त्यांनी बंगळूर येथील दंतवैद्यकांची संपूर्ण एक बॅच बीपीओमध्ये गेली आहे, तर काहींनी एमबीए करण्याचे ठरवले आहे, तर काही फार्मा कंपनीतील नोकरीस पसंती दिली आहे. तर काहींनी राज्य सरकारच्या रुग्णालयात तात्पुरती सेवा करण्यास सध्या पसंती दिली आहे.
---
संपादन : ऋषिराज तायडे