Latest Dharavi News: मुंबईतील धारावीमध्ये तणावाचे वातावरण असल्याचे पहायला मिळत आहे. कारण या ठिकाणी एका मशिदीचा अवैध भाग पाडण्यासाठी गेलेल्या मनपाच्या कर्मचाऱ्यांच्या गाड्यांची तोडफोड करण्यात आली आहे. यावेळी स्थानिक रस्त्यावर उतरले असल्याचे पहायला मिळत आहे.

या विषयी मुंबई काँग्रेसच्या अध्यक्षा खासदार वर्षा गायकवाड यांनी ट्विट करुन आपली नाराजी व्यक्त केली असून मुख्यमंत्री एकनाथ शिंदे यांना खडेबोल सुनावले आहेत.

यावेळी त्या म्हणाल्या की, मुख्यमंत्र्यांच्या आश्वासनानंतरही आज पालिकेने ने बुलडोझर पाठवून कारवाई सुरू केली आहे. धारावीतील लोकांच्या भावना दुखावू नयेत म्हणून आम्ही मुख्यमंत्र्यांना रात्री उशिरा भेटून या कारवाईला थांबवण्याची विनंती केली होती.

मी पुन्हा एकदा मुख्यमंत्री एकनाथ शिंदेंना आणि मुंबई महापालिकेच्या आयुक्तांना विनंती करते की धारावीमध्ये सामाजिक सलोखा आणि शांततेचे वातावरण राखण्यासाठी ही कारवाई स्थगित करण्यात यावी.

सर्व धारावीकर शांतता राखण्यासाठी झटत आहेत. आम्ही प्रशासन आणि पोलिसांशी सतत संपर्कात आहोत. धारावीच्या सामाजिक एकतेला धक्का पोहोचणार नाही याची काळजी घेणे ही आपल्या सर्वांची जबाबदारी आहे.(Eknath Shinde Dharavi)