मुंबई : गेल्या तीन महिन्यांपासून असलेल्या लॉकडाऊन काळात लोक आपला वेळ घालवण्यासाठी मोबाईल, टीव्ही आणि लॅपटॉपवर सर्वाधिक वेळ घालवत आहेत. त्यामुळे सध्या लहानांपासून ते मोठ्यांपर्यंत सर्वांनाच डोळ्यांच्या समस्या जाणवत आहेत. डोळे चुरचुरणे, झोप अपूर्ण होणे, डोके दुखणे, मोबाईलचा वापर बंद केल्यावर अंधुक दिसणे अशा समस्यांनी लॉकडाऊनमध्ये डोकेवर काढले आहे.

सावधान ! हॅन्ड सॅनिटायझरच्या ऐवजी मिळतोय हॅन्ड क्लिनर..

लॉकडाऊनमुळे नागरिकांची जीवनशैली पूर्णतः बदलून गेली आहे. वर्क फ्रॉम होममुळे लोकांना 12 तासांहून अधिक लॅपटॉपचा वापर करावा लागला आहे. जो पूर्वी 8 ते 9 तास होता. तसेच वेळ घालवण्यासाठी सर्व मोबाईल सोशल मीडिया, ओटीटी प्लॅटफॉर्मचा वापर करत आहेत. लोक रात्री उशिरापर्यंत मोबाईलवर वेळ घालवतात. या सर्वांमुळे डोळ्यांवर प्रचंड ताण पडत आहे. आरोग्यासाठी एवढा ताण घातक असल्याचे तज्ज्ञ सांगतात.

मुंबई परिसरातील बातम्या वाचण्यासाठी येथे क्लिक करा

ऑनलाईन शिक्षणासाठी मुले आठ तास स्क्रीनसमोर! 
मुलांचा ऑनलाईनवरील वेळ वाढत असल्याने त्यांच्या अगोदरच्या चष्माचा नंबर वाढण्याची भीती आहे. तर मुलांचे ऑनलाईन क्लासेस तसेच ऑनलाईन शाळा सुरू झाल्यामुळे सकाळी चार ते पाच तास शाळांचे व त्यानंतर पुन्हा चार तास शिकवणीचे असे तब्बल 8-9 तास मुले लॅपटॉप, मोबाईल, टॅबवरील स्क्रीनसमोर वेळ घालवत आहेत.

सध्या लोक दिवसभर समाज माध्यमांवर मोठ्या प्रमाणात अॅक्टिव्ह आहेत. त्यामुळे त्यांच्या डोळ्यांवर जास्त ताण येतो. डोळे दुखतात, थकवा जाणवतो, लांबचे दिसत नाही अशा प्रकारच्या अनेक तक्रारी येत आहेत. पण तक्रारादारांना हा त्रास मोबाईलच्या अतिवापरामुळे होतो याची जाणीव नसते. मोबाईलचा अतिवापर टाळणे हाच यावरील सर्वोत्तम उपाय आहे.
- डॉ. रागिनी पारेख, नेत्रतज्ज्ञ, जे. जे. रुग्णालय