मुंबई - मलबार हिलमधील व्यावसायिकाला इस्टाग्रामवरून अश्लील कॉल सर्विस देण्याचा संदेश पाठवून  खंडणी उकळण्यात आल्याचा प्रकार घडला आहे. आरोपीने इस्टाग्रामवर तक्रारदाराच्या नावाचे बनावट खाते तयार करून अश्लील कॉल सुविधा वापरत असलेला व्यक्ती असल्याची बदनामी केली. याप्रकरणी मलबार हिल पोलिस अधिक तपास करत आहेत.

मलबार हिल येथे राहणा-या व्यावसायिकाला 19 मे रोजी एका महिलेच्या इस्टाग्राम खात्यावरून संदेश आला होता. त्यात व्हिडिओ कॉल सर्विस पुरवण्यात येते, असा नमुद करण्यात आले होते.

मोठी बातमी - मुंबईकरांनो SBI बँकेसंबंधातील ही अत्यंत महत्त्वाची बातमी आधी वाचा, कारण २१ तारखेला....

त्यानंतर या महिलेने एक अश्लील व्हिडिओ या व्यावसायिकाला पाठवला. त्याकडे दुर्लक्ष केल्यानंतर तक्रारदाराला व्हिडिओ कॉल आला. त्यात एक महिला नग्न अवस्थेत बसलेली होती. 10 सेकंद चाललेल्या या दूरध्वनीनंतर तक्रारदाराला खंडणीसाठी दूरध्वनी येऊ लागले. सुरूवातीला 20 हजार भरल्यांनतर या व्यावसायिकाच्या पत्नीलाही आरोपीचे दूरध्वनी येऊ लागले.

तिनेही बदनामीच्या भीतीने 20 हजार रुपये दिले. पुढे  तक्रारदार व्यावसायिकाच्या नावाने बनावट इस्टाग्राम खाते तयार करून त्यावर हा व्यक्ती अश्लील कॉल सर्विसचा वापर करत असल्याचे आरोपीने नमुद केले होते. हा संदेश व्यावसायिकाच्या ओळखीच्या व्यक्तीने पाहिल्यानंतर त्याला याबाबत माहिती दिली.

मोठी बातमी  अखेर! अंतिम वर्षांच्या परिक्षेबाबत निर्णय झाला; जाणून घ्या सविस्तर

व्यवसायिकाने याबाबत पडताळणी केली असता संबंधीत इस्टाग्राम खाते एक पुरुष दिल्लीतून हाताळत असल्याची माहिती समजली. अखेर या व्यवसायिकाने याप्रकरणी पोलिसांकडे तक्रार केली आहे. त्यानुसार सायबर खंडणीचा गुन्हा दाखल करण्यात आला आहे. 

extortion racket busted by mumbai police read how they used to operate